Ona tili darslarda elektron lug’atlardan foydalanish metodikasi

Maktabda ona tili ta’limining bosh maqsadi - o‘quvchilarning ijodiy, mantiqiy, obrazli va assotsiativ tafakkur qilish, tafakkur mahsulini og‘zaki va yozma shakllarda nutq sharoitiga mos ravishda to‘g‘ri va ravon ifodalash kompetensiyalarini rivojlantirish deb belgilandi. Sir emas, sobiq tuzum davrida o‘quvchi va talabaga bilim berish asosiy o‘rinni egallagan bo‘lsa-da, ammo ularning mustaqil, ijodiy fikrlashiga yo‘l qo‘ymaslik illati mavjud edi. Shu bois, mustaqillikning dastlabki yillaridayoq butun mamlakat miqyosida ta’lim-tarbiya, ilm-fan, kasb-hunar o‘rgatish tizimlarini jahonning ilg‘or davlatlari tajribasiga tayangan holda tubdan yaxshilashga ehtiyoj sezilib, davlat ahamiyatiga molik islohotlar birinchi o‘rinda ta’lim tizimidan boshlandi. “Ta’lim to‘g‘risida”gi Qonun, “Kadrlar tayyorlash Milliy dasturi” ishlab chiqildi