Áhrif styttingar vinnuvikunnar á mönnun í leikskólum Garðabæjar

Stytting vinnuvikunnar hefur verið samþykkt í flest alla kjarasamninga eins og staðan er í dag. Markmiðið með styttri vinnuviku var að tryggja aukinn sveigjanleika og með þeim breytingum á að vera hægt að bæta vinnustaðamenningu og nýtingu vinnutíma. Með sveigjanlegum vinnutíma á að vera hægt að auka jafnvægið á milli vinnu og einkalífs án þess að draga úr skilvirkni og gæðum þjónustu. Einnig að auka starfsánægju sem ekki virðist vera raunin þegar heilt er yfir litið. Starfsfólk leikskóla er orðið langþreytt og kemur ekki úthvílt úr fríi. Sveigjanlegur vinnutími á að geta komið öllum til góðs, stjórnendum, starfsfólki og almenningi. Til þess að þetta sé hægt þarf að samræma framkvæmd þess heilt yfir þjóðfélagið til að misræmi myndist ekki vegna mismunandi þarfa stofnana/fyrirtækja. Breytingar eru alltaf erfiðar til að byrja með en þróun þarf að eiga sér stað. Endurskoða þarf þá ferla sem hafa verið innleiddir til að hanna úfærsluna betur að leikskólum. Þar þarf sveitafélagið að spila inn í og veita þau úrræði sem möguleg eru og stuðning við þær stofnanir sem heyra undir það