Adimen emozionala bitartekaritzaren esparruan. Sortzen diren emozioei gerturaketa

Azken urteotan espetxe zigorraren eraginkortasuna zalantzan jarri da hainbat esparrutan, eta honek beste justizia metodologia batzuen beharra bultzatu du. Justizia berriztagarria da Europatik eratorritako korronte nagusiena eta honekin batera bitartekaritzaren prozesua, zeinak zigorrean baino gehiago, inplikatutako alderdien sentimenduetan eta sortutako kaltea konpontzeko nahian arreta jartzen duen. Sentimenduak tartean jartzen dituen eredu bat den heinean, Adimen emozionalari ematen dion garrantzia ezagutu nahi da, gizakia emozionala bait da eta egitate deliktibo batean bizi ditzaken sentimenduak maneiatzen ikasi beharra du, jarrera egoki bat izan eta egitateen itxiera osasuntsu bat egin ahal izateko. Bitartekaritza zerbitzuko bi langile elkarrizketatu dira, gai garrantzitsuenei buruz dituzten iritziak jasotzeko eta gogoeta egiteko. Indarra hartzen ari den bide bat da, baina erakundeen aldetik baliabide gehiago eskaini beharko lirateke, hezkuntza emozionala txikitatik lantzeaz gain, pertsonen arteko arazoak hitzaren bidez konpontzeko gaitasuna berreskuratu ahal izateko