Antikoagulatutako pazienteen autokontrol eta autokudeaketa teknikak, erreminta baliagarriak?

54 p. -- Bibliogr.: p. 27-31Markoa eta justifikazioa: Aho bidezko antikoagulazio tratamenduaren erabiltzaileak diren pazienteak desiratutako tarte terapeutikoan mantentzea erronka handia suposatzen du farmakoen tarte terapeutiko estua eta hauen efektu biologikoaren aldagarritasuna dela eta. Espainian 800.000 paziente izanik antikoagulazioaren jasotzaileak, erronka honek oihartzun nabarmena dauka. Arazo honen aurrean, autokontrol eta autokudeaketa teknikak irtenbide eraginkor bat suposa dezakete. Erizaintza profesionalek autozainketa tekniken erabiltzaile izan daitezkeen pazienteen artapenean berebiziko papera daukate, tekniketarako gai izan daitezkeen pazienteen hautaketa, heziketa, kontrola eta akonpainamendua burutzen baitute. Helburua: Antikoagulazioaren maneiurako autokudeaketa eta autokontrol tekniken eraginkortasuna eta segurtasuna aztertzea. Metodologia: Medline, Cochrane, Cinahl, Cuiden, Wos Fecyt, Embase, Scielo eta Elsevier datu baseak erabiliz, 2010-2020 urte bitarteko 15 artikulu ikertu dira; 6 ausazko entsegu kontrolatu, 2 meta-analisi, sasi-esperimental bat, 3 pre-esperimental, deskriptibo bat eta 2 kohorte ikerketa. Bilaketa prozesuan erabilitako hitz gako emankorrenak “Self Care”, “Self-Management” eta “Anticoagulants” izan dira. Emaitzak eta eztabaida: Antikoagulazioaren maneiurako autozainketa teknikak gomendaturiko tarte terapeutikoan mantendutako denbora eta bizi kalitatea zein asebetetzea hobetu ditzaketela ikusi da, odoljarioen zein gertakari tronboenbolikoen agerpena bultzatzen ez duten bitartean. Are gehiago, zenbaitetan albo-ondorio hauen intzidentzia gutxitzeko gaitasuna aditzera eman da. Ondorioak: Erizainen ikuspuntutik autozainketa teknikak erabilgarriak eta seguruak direla ikusi da. Gainera, bi autozainketa teknikak eraginkortasun berdina daukatela eta bihotzeko balbulen ordezkapena izateak oztopo bat suposatzen ez duela ondorioztatu da. Hala ere, gure herrialdean duten eraginaren inguruko ikerlanak, eta neurri berean ere, erizaintza profesionalen funtzio zehatzen inguruan aztertzen duten ikerlanen falta somatu denez, etorkizunean honen inguruko ikerketak burutu beharko lirateke gure testuinguruan duten eragin zehatza ezagutzeko