Genero bitartasuna haurdunaldian: gurasoen hazkuntza ereduak, diskurtsoak eta praktikak

Master Amaierako Lan honetan, haurdunaldian genero bitartasuna zein garrantzia hartzen duen ikertu da. Bizitzako etapa berezi gisa, gurasotasunaren hasiera den garaian begirada jarri da eta haurdun dauden pertsonen usteetan, sinesmenetan eta hazkuntza praktiketan arakatu da. Horiek haurra jaio aurretik dituzten, generoari buruzko gogoetetan, aurreiritzietan, usteetan, espektatibetan eta hartzen dituzten erabaki praktikoetan (izendatzea, arropa antolatzea, logela prestatzea, ekografiaren unea, opariak...) jarri da arreta. Batetik, haurdun dauden pertsonekin elkarrizketa erdi egituratuak egin dira. Bestetik, haurdunaldian zehar indarra hartzen duten hainbat objektu material (arropak, opariak, ekografiak eta abar) kontuan hartu dira. Ikerketan, askotariko iritziak, diskurtsoak eta praktikak topatu dira eta horien guztien elementu komunak aztertu dira; horiek guztiek erakusten dute hazkuntza prozesuak generoaren eraginpean gertatzen direla. Guraso batzuek eta besteek ezberdin bizi dute sexismoa eta genero bitartasuna, badira genero estereotiporik gabe hazteko ahaleginean ari diren hainbat guraso ere