Testu-loturarako baliabideak. Euskara teknikoa

Liburu baino gehiago artikulu-sorta dela esan genezake eskuetan duzun hau. Edonola, gai baten inguruan antolaturiko lanak dira guztiak: testu-loturan parte hartzen duten baliabideak aztertzen dituzte, ikusmiran beti ere testu teknikoak izanik.Askotan aipatzen den kontua da testu egokiak edo koherenteak idazteko ez dela nahikoa ortografia, gramatika eta puntuazioa behar bezala erabiltzea eta badirela testu baten taxuketan kontutan hartu beharreko beste puntu batzuk: izaki edo ideia bera adierazten duten gauzatze desberdinek eraikitzen dituzten erreferentzia-sareak, testu-antolatzaileak, galdegai/mintzagai hautaketarekin zerikusi zuzena duen hitz-ordena, ideien eta parrafoen antolaketa, modalitatea...Puntu horiek guztiak ikusten dira liburu honetan baina baita euskara batuaren erabilera arruntari dagokionez eta askoz ere nabarikiago euskara tekniko-zientifikoari dagokionez askotan zalantzagarritzat jo izan diren zenbait menperatu edota menperatu horien zenbait erabilara ere, '-elarik' daramaten menperatuak eta 'zein-... bait-/-n' formulaz eraturiko erlatiboak alegia