Araiako Ajuria eta Urigoitia fabrikaren birgaitzea. Araia (Araba)

Araiako Ajuria eta Urigoitia fabrikaren birgaitzeak ondareari garrantzia eman nahi izan dio berriaren eta zaharraren arteko bereizketa bat eginez. Modu honetan fabrikak bereganatuko duen erabilera berriak izango dituen eskakizunei ahalik eta hobekien erantzun ahal izango zaie ondarea bere osotasunean mantenduz. Eskakizun berri hauen artean erabilgarritasuna egongo da. Proiektuak ekoizpen espazioak aurreikusten ditu non Asparrena udalerriko jende gazteak haien enpresa txiki edo ertainak jarri ahal izango dituzten. Hori dela eta espazio hauetan ekoizpen prozesu bat egon daitekeela kontuan hartuko da eta industria txikiak izango balira moduan, jende gazteak bertan ahalik eta askatasun handiena izateko haien enpresa osatzeko orduan. Aurreikusten diren enpresak mota askotakoak izan daitezke, zurarekin lan egiten dutenetatik artistek behar izango dituzten tailerretara edota mikrotxipekin, 3D makinekin, elektronikarekin, robotikarekin eta antzeko gauzekin lan egiten dituzten enpresa motetara. Enpresa guzti hauek fabrikan txertatzerako orduan azken honen izaera eta historia guztiarekin bat egin beharko dute Araiak duen ondare oso indartsu honen aurrean erantzun egoki bat izateko. Hori dela eta hainbat gauza hartu egin beharko dira kontuan: Gaur egun, garaian fabrikak izandako ekoizpen prozesuaren arrasto gutxi geratzen dira. Mami guztia fabrikaren mendebaldean kokatzen zela esan daiteke, bertan biltegiak, urjauziak, transformatzaileak, labe garaiak, pudelazio labeak eta abar baitzeuden. Ekialdeko nabeak laminazio trenentzako zuzenduak zeuden gehienbat, ekoizpen prozesuaren azkenengo pausuak laminazioak komertzializatu baino lehen. Beste alde batetik fabrika espazio moduan duen izaera kontuan hartu beharko da, izan ere, espazio estali baina itxi gabeko nabe industrialak izan dituen fabrika baten aurrean gaude. Hori dela eta enpresa berri hauek fabrikan kokatzeko orduan, ahalik eta enpresa tipologia gehiengoari erantzuteko gaitasuna eskeintzeaz gain fabrikaren ondarea errespetatu eta balorean jartzen duen modu batean izango da. Orokorrean lau modulo desberdinduko dira: oinarrizko modulua, enpresa txikietzako balioko duen modulua, bulego soilak dituena eta enpresa handientzako pentsatuak dauden espazioak. Modulo desberdin hauek nabean zehar jarri egingo dira haien arteko komunikazioa eta erlazioa erabatekoa izanik. Horri esker enpresen hedatze prozesua errazagoa eta zuzenagoa izango da, inguruko moduluak hartzeko aukera askea izan daitekelako. Enpresen moduluetaz gain zerbitzu orokorrak hartuko dituzten moduluak egongo dira lan egiteko espazioak osatzeko. Horien artean komunak eta komunikazio bertikalaz gain jangela, aldagelak, biltegiak, proiekzio gela, esposizio gunea eta abar ere programaren barnean egongo dira enpresen lan baldintzak ahalik eta hoberenak izateko