Entrenamendu kargaren analisia futbolean

39 p. : il. -- Bibliogr.: p. 37-39Ondorengo lerroetan, Baskonia taldeko, alegia, Athletic Clubeko hirugarren taldeko entrenamenduetako kargaren azterketa burutu da. Entrenamendu hauek 2018-2019 denboraldiko lehenengo itzuliaren baitan eginikoak dira. Karga neurtzeko aldagai desberdinen aukeraketa egin da; aldagai batzuk ariketen bolumena eta beste aldagai batzuk ariketaren intentsitatea neurtzeko erabili direlarik, beti ere, ariketa desberdinek jokalari bakoitzean izan duten eragina aztertuz. Karga aztertzeko GPS bidez jasotako datuak erabili dira. GPS datuak erabili aurretik, aztertuak izan dira eta ongi jasota zeudela ziurtatu da, beharrezko iragazketa eta aukeraketa prozesu baten bidez. Lan honetan ez dira partiduetako datuak erregistratu, datuak jasotzeko izan diren arazoak direla eta. Ondorioei dagokienez, lan honekin ikusi dezakegu entrenamendu kargak indibidualizatzera jo behar dugula. Hau da, taldeko jokalariek entrenamenduak egiten doazen heinean, jokalari bakoitzaren karga zein izaten ari den jakinda, lan konpentsatorioak diseinatzea izango da konponbidetariko bat talde guztiaren karga maila parekatzeko. Azken finean, planteatzen diren entrenamenduetan jokalari bakoitzak jasaten duen karga ez delako inoiz taldekide guztien artean berdina izango