Parekoen behaketa Derrigorrezko Bigarren Hezkuntzan: VEO sistema eta errubrika konparatuz

Lan honen helburua ahozkoak ebaluatzeko VEO sistema eta paperezko errubrika konparatzea da. VEO ahozko jarduna edo klaseak iPad bidez grabatzeko sistema da, aurretik ezartzen diren etiketa batzuen bitartez erabiltzaileak funtsezko momentu eta elementuak markatzeko balio duena. Hori burutze aldera, Derrigorrezko Bigarren Hezkuntzako ikasle-talde batean eginiko praktika aurkezten da; hau da, ikasleek parekoen behaketa egingo dute VEO sistema eta errubrika erabiliz. Ondoren, bi tresnen erabileraren inguruko hausnarketa egin nahi da horretarako diseinatutako inkesta baten bidez. Bukatzeko, ikasleen esperientzia oinarritzat harturik, ikasleen parte-hartzea nolakoa den deskribatu nahi da eta komunikazioko arloari erreparatuz gero, arreta handiagoa non jarri duten aipatu, errubrika bidez egindako ebaluazioan ala bideoan oinarritutakoan. Emaitzen arabera DBHko ikasle-talde honek VEO sistema egokiagoa dela uste du