Elektromagnetismoaren oinarri fisikoak

Helburuak: Materialaren helburua elkarrekintza elektromagnetikoaren oinarriak ahalik eta erarik argiena azaltzea da, Fisikaren oinarrizko printzipioekin duten lotura azpimarratuz. Hori dela eta, gaian sakonkiago murgildu behar dutenentzat harrera izan daiteke. Irakurleak elektromagnetismoaren oinarrizko kontzeptuak eta printzipioak ulertzea ez ezik, kasu sinpleetan erabiltzen jakitea da xedea: eguneroko fenomeno elektrikoen zergatia, zirkuituen funtzionamendua, energia elektrikoaren sorkuntza, ... Norentzat izan daiteke baliagarria: Teknologian edota zientzian interesa duten guztientzat, ingeniaritzaren eta zientziaren lehenengo mailako ikasleak, bereziki.Testua zazpi ataletan antolatuta dago. Lehenengo bietan, elektrostatikaren oinarriak aztertzen dira, hau da, kargen arteko elkarrekintza elektrikoaren ezaugarriak. Hurrengo bietan elkarrekintza hori erabiltzen da osagai elektrikoak garatzeko (kondentsadoreak) eta zirkuitu elektriko sinpleak osatzeko. Gero, kargen higiduraren ondorioz sortzen diren indar magnetikoak deskribatzen dira eta amaitzeko, bi elkarrekintzen lotura azaltzen eta aztertzen da, hau da, nola sortu eremu elektrikoak magnetikoak erabiliz, eta alderantziz. Atal bakoitzean oinarrizko kontzeptuak eta printzipioak azaltzeaz gain, adibideak ere badaude. Eta azaldutako kontzeptuen erlazioa eguneroko fenomenoekin, teknologiarekin edota fisikaren beste adarrekin adierazten dira