Fleirspråklegheit i barnehagen

I følgje statistisk sentralbyrå hadde 19,5% av barna i barnehagen i 2021 eit språk som blir sett på som minoritetsspråkleg. Det inneberer barn i barnehagen som hadde eit anna morsmål enn norsk, samisk, svensk, dansk og engelsk i 2021 (Statistisk sentralbyrå, 2022). Det betyr at det mest truleg er over 1 av 5 barn som er fleirspråklege i norske barnehagar. Dermed er det særs viktig at barnehagar har kunnskap om, og jobbar med, fleirspråklege barn si språkutvikling. På grunnlag av punkta som er nemnt ovanfor, ønska eg å skrive noko innanfor temaet fleirspråklegheit i barnehagen. Eg var spesielt nysgjerrig på korleis barnehagar la til rette for utviklinga av barnas morsmål, og tenkte først på ei problemstilling innanfor dette. Etter litt fram og tilbake har eg enda opp med følgande problemstilling; «Korleis jobbar barnehagar med fleirspråklege barn si språkutvikling?