«Eg kan ein lett metode» - Ein casestudie om bruk av problemløysingsstrategiar i Minecraft

Denne casestudien har søkt innsikt i korleis bruk av Minecraft i undervising i barneskulen kan bidra til løysing av matematiske oppgåver, og då med fokus på kva problemløysingsoppgåver Minecraft kan leggje til rette for. Eg valte å skrive om Minecraft då undervisning sett i digitale spel er ein stor interesse for meg, og problemløysing grunna fokuset temaet har fått i den nye læreplanen. Oppgåva er skrive frå eit elevperspektiv, men er skrive med eit ynskje om å bidra til korleis lærarar ser på bruk av digitale spel som Minecraft innan matematikkundervising. I casestudien min er data frå skjermopptak og transkribert samtale frå elevar på sjuande trinn kategorisering og analysert for å identifisere kva typar problemløysingsstrategiar som dukkar opp når ein brukar Minecraft i undervisingsituasjonar. Grunna mangel på forsking innan problemløysingsstrategiar i Minecraft er studien byggja på tidlegare forsking på Minecraft i undervising knyta opp mot ulike definerte problemløysingsstrategiar, og på forsking gjort innan problemløysingsstrategiar i digitale spel. Det endelege lappeteppet av tidlegare forsking er brukt for å analysera funna mine. Analysen og diskusjonen min visar at problemløysingsstrategiar dukkar opp når elevar arbeider med matematiske oppgåver både når oppgåvene ber om dette, og av seg sjølv. Typiske strategiar eg har funne er blant anna logisk resonnering, konkretisering og dele opp i delproblem. Likevel peikar analysen og diskusjonen min på at kvaliteten og utvalet av problemløysingsstrategiar er avhengig av oppgåvene gitt av klasseleiar og elevane si eiga erfaring innan problemløysing