50 år med homofili i lærebøker

50 år er gått sidan homofili vart lovleg i Noreg. Sidan den tida har homofiles rettigheter og status i samfunnet auka. Til tross for dette finnes det framleis negative haldningar til skeiv seksualitet rundt omkring i landet. Skulen er ein stad haldningane til folk kan påvirkes anten gjennom undervisning frå lærar eller gjennom innhaldet i lærebøkene. Tidlegare forskning viser lærebøker er prega av eit heteronormativt syn på seksualitet og forhold. Dette kan vera ein faktor som bidrar til negative haldningar til skeiv seksualitet. Det denne oppgåva har hatt som formål er å kartlegge utviklinga i omtalen av skeiv seksualitet i naturfagsbøker på ungdomsskulen sidan homofili vart lovleg i 1972, samt sjå på om heteronormativitet har prega framstillinga av seksualitet. 26 naturfagsbøker fordelt på dei fem læreplanane som har vore aktive i perioden, samt to naturfagsbøker frå før homofili vart lovleg er inkludert i studien. Oppgåva viser at omtalen av skeiv seksualitet har auka i kvar læreplanperiode og er vesentleg større i dei nyaste lærebøkene enn i bøkene frå 1970-talet. Den verkelege auka kom dog ikkje før i forbindelse med læreplanen Reform 1997 – den første læreplanen som nevner seksuell kjønnsidentitet og homofili på lik linje med heterofili. Oppgåva viser dog at mykje av den auka omtalen tar for seg historiske og samfunnsfaglege aspekt og ikkje naturfaglege aspekt. Omtalen av skeiv seksualitet står også i stor grad skilt ut frå anna omtale av seksualitet i så vel dei gamle som dei nye bøkene, noko som skapar ein følelse av at dette er annerledes av normalen. Dei delane av naturfagsbøkene som tar for seg seksualitet fokuserer i stor grad på at dette er noko som omhandlar mann og kvinne og ikkje andre kjønnskonstellasjonar – også dette gjeld dei gamle så vel som dei nyare bøkene, sjølv om dei nye bøkene har meir generelle omtalar som også kan tolkast i retning av mann/mann- og kvinne/kvinne-forhold. Sjølv om omtalen av skeiv seksualitet i naturfagsbøker på ungdomsskulen har auka sidan 1972, og omtalen av seksualitet har blitt meir nøytral, er det framleis eit godt stykke å gå før homofili kan sidestilles med heterofili i skulebøkene med tanke på å framstille det som normalt