Teacher and Student Attitudes Towards L1 Use in the Norwegian EFL Classroom

Føremålet til denne oppgåva er å utforske praksisar og perspektiv rundt bruken av førstespråk i engelskklasserommet i Norge. Sidan minoritetsspråklege elevar er ei stadig veksande befolkning i Norge ser denne studien på erfaringar og haldningar rundt bruken av andre språk enn norsk og engelsk i engelskklasserom i Norge, og ikkje eksklusivt berre norsk og engelsk. Gjennom to veker observasjon og intervju gjekk datainnsamlingsprossesen ut på å svare på følgjande forskingsspørsmål: a) Kva er lærarar og elevar sine haldningar til bruken av førstespråk i norske engelskklasserom?, b) Når og for kva føremål blir førstespråket brukt i undervisning?, c) Kor forberedt føler engelsklærarar seg til å bruke sitt eige og elevar sitt førstespråk for å optimalisere språklæring?. Den kvalitative analysen viste at engelsksentrert undervisning var føretrekt av både lærarane og elevane deira. Likevel var norsk trekt fram som eit hjelpande verktøy i språktileigninga. Resultata antyda at begge lærarane ikkje følte seg førebudd på å ta i bruk språk dei ikkje kunne sjølve, men anerkjende fordelane ein slik praksis hadde medført for minoritetsspråklege elevar. Oppgåva konkluderer med å argumentere for at å støtte undervisarar i å utvikle kompetanse og sjølvtillit til å jobbe målretta med språk i engelskklasserommet, anten om det skulle vere norsk, engelsk, eller kva som helst anna språk, bør vere eit viktig fokusområde for Utdanningsdirektoratet og lærarutdanningsinstitutt