Viðhorf Íslendinga til tungumálsins : aukin enskunotkun á Íslandi

Þessi ritgerð er skrifuð sem lokaritgerð til B.Ed-prófs við grunnskólakennslu með áherslu á íslensku. Í gegnum tíðina hafa Íslendingar barist gegn erlendum máláhrifum sem hafa haft áhrif á íslenskt mál og þjóðfélag. Vegna hnattvæðingar og tæknibyltingar hefur enskunotkun aukist gríðarlega hér á landi. Rannsóknir hafa sýnt að viðhorf Íslendinga til íslensku og ensku er almennt jákvætt. Markmið þessarar ritgerðar er að draga saman helstu rannsóknir um þær breytingar sem hafa orðið á íslensku málsambýli sökum tæknibyltingar með áherslu á aukna enskunotkun. Áhersla verður lögð á viðhorf Íslendinga gagnvart íslensku og ensku og þeim málfarslegu breytingum sem hafa orðið á tungumálinu undanfarin ár. Drög að spurningalista sem hægt væri að leggja fyrir í rannsókn á efninu fylgir sem viðauki við ritgerðina