Straumlínustjórnun í félagasamtökum. Að auka skilvirkni í starfi Körfuknattleikssambands Íslands

Straumlínustjórnun er aðferðafræði sem á rætur sínar að rekja til framleiðslufyrirtækja og eru verkfæri hennar nýtt til stöðugra umbóta. Straumlínustjórnun hefur reynst vel til að minnka sóun hjá fyrirtækjum og auka verðmætasköpun þeirra. Í þessari rannsókn er skoðað hvernig aðferðir straumlínustjórnunnar geti nýst Körfuknattleikssambandi Íslands. Að þeirra sögn eru þau verulega undirmönnuð og mikil fjölgun hefur átt sér stað í körfuknattleikshreyfingunni með aukinni vinnu sem lendir á sambandinu. Með því að notast við verkfæri straumlínustjórnunnar er hægt að koma auga á sóun í ferlum, greina þá og finna lausnir að því hvernig hægt sé að bæta þá. Í þessari rannsókn var notast við eigindlega aðferðafræði og voru viðtöl tekin við fimm viðmælendur. Viðtölin voru nýtt til að sjá hvernig Körfuknattleikssambandið vinnur og hvar væri hægt að koma auga á tækifæri til umbóta. Tveir af viðmælendunum könnuðust við að samtökin væru að vinna eftir sérstökum aðferðum til að auka skilvirkni sína og var það eingöngu varðandi eitt verkefni sem þau hafa á sinni könnu. Niðurstöður benda til þess að álagið á sambandinu sé mikið og ná starfsmenn þess sjaldan að komast yfir þeirra stóra verkefnabunka sem hjá þeim liggur og leggja þau á sig meiri vinnu, umfram dagvinnutíma, til að ná að klára það nauðsynlegasta. Niðurstöður bentu einnig til þess að mikið sé einblínt á hversu mikið væri hægt að bæta ef bætt væri í hóp starfsfólksins og minna verið að einblína á það hvernig hægt væri að nýta betur þeirra takmörkuðu auðlindir. Hugarfarsbreyting er þörf innan fyrirtækjamenningarinnar og einblína á að vinna á skilvirkari hátt frekar en að vinna meira. Erfitt gæti reynst sambandinu að innleiða hugmyndafræði straumlínustjórnunnar að fullu leyti en greinilega mátti sjá að hægt væri að auka skilvirkni með því að nýta einstaka verkfæri straumlínustjórnunnar