Hreyfing, heilsa og beinþynning meðal aldraðra

Lokaverkefnisritgerð þessi er umfjöllum um hreyfingu, heilsu og beinþynningu hjá eldra fólki út frá rannsóknum og greinum. Fjallað er ítarlega um kosti hreyfingar og ástæður þess að eldri borgarar ættu að stunda hana reglulega. Farið er yfir þá þætti sem eru helstu hindranir í vegi fólks og hvernig hægt er að nota fræðslu og jákvæða hvatningu til að fólk sjái ávinning þess að stunda reglulega hreyfingu. Þá er fjallað um hvað þarf til að auðvelda fólki að átta sig á hversu mikið það á að hreyfa sig og hvernig hreyfingu það ætti að stunda. Einnig er í ritgerðinni fjallað um breytingar sem verða á líkamanum með hækkandi aldri og nauðsyn þess að stunda hreyfingu til að halda líkamlegri- og andlegri heilsu góðri sem lengst. Í ritgerðinni er skoðað hvað beinþynning er og hvaða þættir hafa áhrif á hana. Einnig er fjallað um þá áhættuþætti beinþynningar sem hægt er að hafa áhrif á ásamt þeim þáttum sem eru óbreytanlegir. Þessi umfjöllun ætti að nýtast almenningi, þá sérstaklega þeim sem vilja styðja við og fræða eldra fólk um nauðsyn hreyfingar auk þess sem eldra fólk, sem vill huga að heilsu sinni og fræðast um sjúkdóminn beinþynningu, ætti að finna hér efni sem nýtist