Lífið er leikur. Hvað vísindin geta sagt okkur um siðferði

Í þessari ritgerð velti ég fyrir mér spurningunni hvort vísindin ættu að eiga hlut að því að svara spurningum siðfræðinnar, ég skoða heimspekikenningar sem rökræða fyrir og á móti notkun vísinda á sviði siðfræðinnar. Ég reyni að lýsa og sýna fram á réttlætingu fyrir þeim grunni sem ég tel okkur þurfa að gefa okkur til þess að koma vísindum inn á svið siðferðarinnar. Ég skoða sumt af þeirri vinnu sem hefur verið unnin í sálfræði til þess að skilgreina farsæld til notkunar sem mælitól til rannsókna. Ég skoða einnig hvað vísindasvið eins og t.d. þróunarlíffræði, taugafræði og líffræði segja um uppruna og eðli siðferðis til að gera vonandi skýra grein fyrir þeim hag sem hægt er að öðlast með því að leyfa vísindum að ganga inn í umræðuna um hvernig við eigum að lifa til að verða farsæl