Vöðvameiðsli í knattspyrnu : áhættuþættir, forvarnir og endurhæfing

Ritgerð þessi er lokaverkefni til BS-prófs í íþrótta- og heilsufræði við Menntavísindasvið Háskóla Íslands. Umfjöllunarefni ritgerðarinnar eru vöðvameiðsli í knattspyrnu með áherslu á forvarnir, áhættuþætti og endurhæfingu. Vöðvameiðsli geta reynst erfið og geta haft margvíslegar afleiðingar á frammistöðu, knattspyrnuferla og getu þeirra sem stunda knattspyrnu. Tekin verða fyrir algengustu vöðvameiðsli sem knattspyrnumenn eiga hættu á að lenda í, fjallað um hvað veldur þeim og hvernig mögulegt er að koma í veg fyrir þau. Farið verður yfir og sýndar verða styrktaræfingar sem reynst hafa vel við þessum tilteknu vöðvameiðslum, bæði sem forvörn og endurhæfing. Rannsóknarspurning ritgerðarinnar er: Hver eru algengustu vöðvameiðsli í knattspyrnu og er hægt að draga úr þeim með markvissum styrktaræfingum? Niðurstöðurnar leiddu í ljós að algengustu vöðvameiðsli sem knattspyrnumenn lenda í tengjast aðfærsluvöðvum mjaðma og vöðvum á aftanverðu læri, einnig kom það í ljós að markvissar styrktaræfingar geta dregið úr líkum á þessum tilteknu meiðslum