Skólaforðun nemenda í grunnskólum. Aðkoma skólafélagsráðgjafa

Markmið ritgerðarinnar var að varpa ljósi á skólaforðun nemenda í grunnskóla. Áhersla var lögð á að greina hver helstu hlutverk skólafélagsráðgjafa eru og aðkoma þeirra að slíkum málum. Ritgerðin var unnin með eftirfarandi rannsóknarspurningar að leiðarljósi: Hvað er skólaforðun? Hverjar eru birtingarmyndir skólaforðunar og afleiðingar þeirra? Hver eru helstu hlutverk skólafélagsráðgjafa í slíkum málum? Samkvæmt grunnskólalögum (nr. 91/2008) er skólaskylda barna á Íslandi 10 ár, frá sex til 16 ára. Skólaforðun er raunverulegt vandamál barna í grunnskólum landsins. Börn með skólaforðun forðast það að mæta í skólann og eiga erfitt með að vera í skólanum heilan skóladag. Orsakir að baki skólaforðunar hjá börnum geta sem dæmi verið vegna tilfinningalegra erfiðleika, hræðslu við félagslegar aðstæður og að sækjast eftir athygli fjölskyldumeðlima. Niðurstöður þessarar ritgerðar sýna fram á að afleiðingar skólaforðunar geta verið alvarlegar og vert er að bregðast við þeim á fyrstu stigum. Ef skólaforðun fær að viðgangast getur nemandi einangrast félagslega og átt í erfiðleikum með nám þar sem hann hefur misst mikið úr. Í niðurstöðum ritgerðarinnar er sýnt fram á mikilvægi skóafélagsráðgjafa þar sem þeir geta myndað brú milli heimilis og skóla með kerfishugsun sinni og einstaklingsmiðuðum úrræðum. Hlutverk félagsráðgjafa innan skóla geta verið mismunandi en almennt koma þeir að ráðgjöf, þróun úrræða og forvarna ásamt því að starfa í þverfaglegum teymum