Útikennsla : leikur og nám barna í náttúrunni

Viðfangsefni ritgerðarinnar er útikennsla og hvernig hægt er að samþætta leik og nám barna úti í náttúrunni. Þegar talað er um útikennslu er átt við þegar nám barna er fært út fyrir veggi leikskólans og nemendur geti lært um raunveruleikann sem þeir lifa í, samfélagið, náttúruna og nærumhverfi sitt. Jean Piaget, John Dewey og Lev Vygotsky eru þeir fræðimenn sem ég vitna í og tel að kenningar þeirra styðji við útikennslu. Þeir leggja allir áherslu á að börnin læri af eigin reynslu, áhuga og virkni. Einnig fjalla ég um hver sé ávinningur útikennslu, hvernig hún er skipulögð og hvert hlutverk kennarans er í útikennslu. Fjallað er um námssvið leikskóla og grunnþætti menntunar og hvernig hægt er að samþætta þá í útikennslu. Að lokum fjalla ég örstutt um könnunaraðferðina sem er námsaðferð sem hægt er að vinna með í útikennslu