Áhrif geðraskana foreldra á tengslamyndun við börn sín

Tengslamyndun barns við foreldra er mikilvæg fyrir þroska og farsæld þess. Margvíslegir þættir geta haft áhrif á tengslamyndun foreldra og barns, þar á meðal geðröskun foreldra. Tilgangur þessarar ritgerðar er að kanna hvaða áhrif geðraskanir foreldra geta haft á tengslamyndun við börn sín. Verkefni þetta er byggt á fræðilegum heimildum. Niðurstöður gefa til kynna að geðraskanir geti haft áhrif á hugsanir og hegðun foreldris og þannig dregið úr getu þeirra og hæfni til að sinna foreldrahlutverkinu. Þegar sú skerðing á sér stað geta börnin til að mynda fundið til óöryggis þar sem þau vita ekki við hverju má búast við af foreldri sínu. Þetta getur leitt af sér að óörugg geðtengsl þróist á milli barns og foreldris. Vandkvæði tengd hegðun og tilfinningum geta komið fram hjá börnunum og haft áhrif á hvernig þeim mun vegna síðar á ævinni. Niðurstöðurnar benda jafnframt til þess að mikilvægt sé að veita foreldrum sem eru glíma við geðraskanir viðeigandi stuðning með það að leiðarljósi að fyrirbyggja að barnið hljóti varanlega skaða af vegna veikinda foreldra sinna