Kvíði barna og ungmenna á grunnskólaaldri : birtingarmyndir, áhrif og íhlutun í skólastarfi

Ritgerð þessi er 10 eininga lokaverkefni til B.A. -prófs í Uppeldis- og menntunarfræði við Háskóla Íslands. Tilgangur ritgerðarinnar er að vekja athygli á kvíða meðal barna og ungmenna í grunnskólum. Til þess að hægt sé grípa inn í og aðstoða er mikilvægt að starfsmenn grunnskóla þekki einkenni kvíða. Þessi ritgerð er heimildaritgerð sem byggð er upp á bæði íslenskum og erlendum heimildum. Rýnt er í fræðilegt efni um kvíða meðal barna og ungmenna, birtingarmynd hans, áhættuþætti og íhlutanir í grunnskólum. Niðurstöður gefa til kynna að birtingarmyndir kvíða geta verið einstaklingsbundnar, kvíðinn getur komið fram bæði í líkamlegum og sálrænum einkennum svo sem þreytu, hegðunarerfiðleikum og óútskýrðum ótta. Íhlutun í skólum getur verið misjöfn, gott samband milli kennara og nemenda hefur sýnt fram jákvæð áhrif á kvíða barna og ungmenna. Námsráðgjafar vinna einnig í samstarfi við kennara við að bera kennsl á börn og ungmenni sem sýna einkenni kvíða og meta þeir næstu skref. Mikilvægt er að íhlutun eigi sér stað bæði innan veggja skólans og á heimili barna og ungmenna. Þessar niðurstöður gefa til kynna að íhlutun í grunnskólum hér á landi gæti verið nýtt til þess að bæði bæta aðstöðu ungmenna í skólum, aðstoða þau, draga úr og fyrirbyggja kvíðann