Clueless about Class: A Study of how Four Film Adaptations of Jane Austen’s Emma Adapt the Theme of Class

Romanen Emma av Jane Austen og synet på klasse som er presentert i forteljinga, har blitt tolka frå ulike vinklar med ulik tyding av forteljinga som ein heilskap. Føremålet med denne masteroppgåva er å vise korleis dei forskjellige klassetolkingane vert overført til filmatiserte versjonar av Emma og kva følgjer dette har for korleis temaet blir forstått. Ved hjelp av filmkategoriane til Linda V. Troost og adaptasjonsteori, undersøkjer eg korleis filmane presenterer klasse samanlikna med det klassesynet ein finn i romanen. Oppgåva tek føre seg korleis klasse vert representert i Jane Austen sin roman og korleis temaet vert vidareført til filmatiserte versjonar, med eit fokus på kva og korleis det er endra for å passe inn i det nye formatet. Ved hjelp av to Emma adaptasjonar frå 1996, 1995 Clueless og den nyaste filmatiseringa frå 2020, illustrerer eg endringar i klassesynet ved dei forskjellige adaptasjonane med bruk av spesifikke klasseaspekt frå romanen overført på film for å argumentere korleis moderne filmskaparar tolkar konseptet og forklarar det til eit moderne publikum. Analysen viser at klasseaspektet i filmane blir illustrert gjennom økonomisk skilnad og materielle eigendelar, noko som tek fokuset vekk frå nyansane i beskrivinga av sosial klasse som romanen etablerer gjennom handlinga. Dette resulterer i at klasseaspektet blir ein mindre synleg navigatør gjennom plottet, noko som skjer når klassesynet endra seg frå eit 1816 klassesyn til post-moderne klassekritikk. Analysen viser at dei fleste adaptasjonane manglar det fullstendige klassebiletet og omset berre delar av klassetemaet som er presentert i romanen, med forskjellige fokus og mål ved adaptasjonane sine.Engelsk mastergradsoppgaveENG350MAHF-ENGMAHF-LÆF