Kva effekt har fysisk trening for barn med autismespekterforstyrring

Samandrag Introduksjon: Regelmessig fysisk aktivitet representerer eit stort potensial i førebygging og behandling. Samstundes er fysisk inaktivitet ei aukande utfordring i samfunnet. Barn med autismespekterforstyrring (AFS) kan ha behov for at nokon inkluderer, stimulerer og legg til rette for tilstrekkeleg fysisk aktivitet. Hensikt: Denne oppgåva har som hensikt å undersøke kva effekt fysisk trening har på barn med autismespekterforstyrring. Metode: Litteraturstudie er brukt for å samle inn og sette saman relevante forskingsartiklar. Studien inkluderer fem fagfellevurderte artiklar i tillegg til annan relevant litteratur. Fire av forskingsartiklane er randomiserte, kontrollerte studiar. Den femte artikkelen er ein intervensjonsstudie. Resultat: Alle dei fem forskingsartiklane viser at fysisk aktivitet har positiv effekt for barn med ASF. Funna fordeler seg på tema åtferd, metabolsk helse, eksekutive funksjonar, søvn og emosjonsregulering. Noko av den positive effekten kan oppsummerast slik: reduksjon i problemåtferd, førebygging av metabolske helseutfordringar, betre søvnmønster og betring i emosjonsregulering. Konklusjon: Fysisk trening bidrar til betre helse på fleire område for barn med ASF. Positive funn er gjort på områda åtferd, regulering av emosjonar, søvnmønster, metabolsk helse og eksekutive funksjonar. Kunnskapen om at fysisk trening har positiv effekt også for barn med ASF er relevant for det vernepleiarfaglege arbeidet. Nøkkelord: Autisme, fysisk aktivitet og trening, søvn, åtferd, metabolsk helse, emosjonsregulering og eksekutive funksjonar