Ein kvalitativ studie om helsepersonell sine erfaringar med bruk av digitale tilsyn på sjukeheim

Hensikt: Å få innsikt i helsepersonell sine erfaringar med bruk av digitale tilsyn på sjukeheim. Bakgrunn: Velferdsteknologi er i stadig utvikling og blir ein større del av helsetenesta som blir tilbydd. Dermed ønsker vi å få eit innblikk i korleis teknologien påverkar helsetenesta. Metode: Vi har nytta kvalitativ metode der vi intervjua ein avdelingsleiar og ein sjukepleiar på to sjukeheimar, totalt fire informantar. Vidare brukte vi systematisk tekstkondenseringsanalyse for å analysere materialet. Resultat: Alle informantane hadde mange positive erfaringar med bruken av digitale tilsyn. Dei fortalte at det kunne ha vore litt betre opplæring slik at alle dei tilsette hadde same forståing for korleis det fungerte. Trass i utfordringar som straumbrot, feilplassering av seng/stol og dårleg dekning er dei stort sett nøgde med digitale tilsyn som hjelpemiddel. Konklusjon: Erfaringane som kom fram i studien viste til at digitale tilsyn er eit svært godt hjelpemiddel til helsetenesta. For at det skal fungere optimalt er det avgjerande med både kunnskap og forståing for teknologien, samt vite kva som kan påverke om apparatet er intakt eller ikkje. Dermed kan teknologien gi gevinst både for tenesta og pasienten. Det skal ikkje erstatte menneskeleg omsorg, men vere eit supplement til helsetenesta