Frå partiorgan til nøytral opposisjonsavis?

Denne oppgåva søker å svara på kor vidt aviser si partihistorie og noverande politiske orientering påverkar måten dei dekker politiske skandalar i sitt meiningsberande innhald. Komparativ innhaldsanalyse er nytta til å samanlikna korleis eit utval norske aviser dekker nylege politiske skandalar, med politikarar frå ulike parti. Studien viser at det er samanheng mellom politisk orientering og dekninga av utvalet av politiske skandalar. Dette på trass av at alle avisene i utvalet fremjar seg som partipolitisk uavhengige. Politisk orientering fargar det meiningsberande innhaldet ved at dei på ulikt vis anten fjernar skuld frå partia dei sympatiserer med, eller ved at dei tilfører skuld til parti på den andre enden av skalaen. Dette vert gjort gjennom verkemiddel som «framing», trivialisering, nøytralisering og unnskyldningar