Börn með flóknar tjáskiptaþarfir á Íslandi

Tjáskiptaröskun (e. communication disorder) er yfirhugtak sem nær yfir skerta færni til tjáskipta hvort sem það er í tali, máli eða málnotkun. Einstaklingar með alvarlegasta form tjáskiptaröskunar teljast hafa flóknar tjáskiptaþarfir (e. complex communication needs). Hugtakið vísar til þeirra sem ekki geta notað tal til að tjá sig eða nota það einungis mjög takmarkað. Börn með flóknar tjáskiptaþarfir eiga þannig ekki árangursrík samskipti með talmáli einu saman og hafa þörf á stuðningi umhverfis og/eða hjálpartækja. Ekki hefur verið sett fram skýrari skilgreining á þessu hugtaki. Skilgreiningin takmarkast ekki við ákveðna sjúkdómsgreiningu heldur er viðmiðið að einstaklingurinn geti ekki notað tal til að tjá sig um þá þætti sem hann þarf. Markmið þessa meistaraverkefnis var að taka fyrsta skrefið í áttina að því að áætla fjölda barna sem búa við flóknar tjáskiptaþarfir og skoða hvernig þörfum þeirra er mætt. Til þess að hægt sé að áætla og bæta stöðu barna með flóknar tjáskiptaþarfir og útbúa þjónustuúrræði við hæfi er mikilvægt að átta sig á stærð hópsins, hvaða þjónustuúrræði hann nýtir sér og hvaða tjáskiptatækni er mest notuð. Sú skilgreining var sett fram á flóknum tjáskiptaþörfum að málþroskatala væri <50 og/eða tjáning væri í