Skattlagning hjóna. ,,Er sanngjarnt að láta annan maka bera ábyrgð á skattskuldum hins?''

Þetta lokaverkefni fjallar um ábyrgð hjóna og sambúðarfólks á greiðslu opinberra gjalda sem á þau eru lögð, og hljóðar rannsóknarspurningin svona: ,,Er sanngjarnt að láta annan maka bera ábyrgð á skattskuldum hins?‘‘. Mikið er að færast í aukana að pör gangi í hjónaband eða skrái sig í óvígða sambúð. Mikilvægt er fyrir pör og einstaklinga að átta sig á því hvaða skattalegu og lagalegu áhrif það hefur í för með sér að ganga í hjónaband eða skrá sig í óvígða sambúð þar sem ekki gilda sömu lög og reglur um þessi sambúðarform. Viðfangsefnið er skoðað með hliðsjón af lögum og reglum á Íslandi. Farið verður yfir hvernig skattkerfið á Íslandi virkar í raun og það verður gert með því að fara yfir hverjir teljast vera skattskyldir aðilar, hvaða verðmæti skal teljast til tekna, hvernig álagning og framkvæmd fer fram ásamt greiðslu og innheimtu, og í lokin hvernig ábyrgð er sett á maka gagnvart vangreiðslu skatta. Helstu niðurstöður eru þær að einstaklingar ráða því sjálfir hvort þeir ganga í hjónaband eða skrái sig í óvígða sambúð. Einstaklingar þurfa því að kynna sér þau lög og reglur sem gilda þegar þau skrá sig í slík sambúðarform og hafa þarf margt í huga þegar að kemur að slíkri ákvörðun