Áhrif rauða spjaldsins á úrslit knattspyrnuleikja : er erfiðara að spila á móti 10 leikmönnum?

Markmið rannsóknarinnar var að skoða tölfræði frá síðustu tveimur tímabilum úr efstu tveimur deildum karla í knattspyrnu á Íslandi og sjá hvort að niðurstöðurnar myndu benda til þess að það væri erfiðara að spila á móti 10 leikmönnum. Skoðað var hvort það skipti máli ef lið væru að spila á heimavelli eða útivelli þegar þau spiluðu einum fleiri, hvort það hefði áhrif á hvaða mínútu leiksins rauða spjaldið var gefið, hvort það skipti máli hver staðan í leiknum væri þegar rauða spjaldið var gefið, hvort staða leiksins breyttist eftir að rauða spjaldið var gefið og hvort sú breyting væri jákvæð eða neikvæð fyrir liðið sem spilaði einum fleiri. Gögnin voru fengin af vef KSÍ úr leikskýrslum allra leikja tímabilin 2020 og 2021. Niðurstöður gáfu til kynna að íslensk knattspyrnulið eigi í miklum erfiðleikum með að spila einum fleiri á útivelli. Í þeim leikjum sem liðin spiluðu einum fleiri fengu þau rúm 70% fleiri stig á heimavelli heldur en á útivelli. Einnig voru tekin viðtöl við þrjá reynslumikla íslenska þjálfara um hvernig þeim fyndist best að spila á móti 10 leikmönnum en spurningalistinn samanstóð af sex spurningum