Handbók um þjálfun og hreyfingu sem hluta af meðferð hjá einstaklingum með geðklofa : leiðbeiningar fyrir íþróttafræðinga á geðheilbrigðissviði

Verkefnið fjallar um áhrif hreyfingar á geðklofa og var það unnið á vorönn 2022 við Háskólann í Reykjavík. Geðklofi er geðsjúkdómur sem hrjáir milljónir manns um allan heim og engin lækning er til við þessum geðsjúkdómi. Hins vegar eru margir þættir sem geta hjálpað og auðveldað einstaklingum með geðklofa að lifa góðu og heilbrigðu lífi. Þessir þættir eru meðal annars hreyfing, góð næring, svefn og útivist. Innan geðheilbrigðiskerfisins eru íþróttafræðingar tiltölulega ný stétt og því mikil þörf á bæði ráðleggingum og leiðbeiningum fyrir framtíðar íþróttafræðinga sem vilja starfa innan þess sviðs. Markmið höfunda er að hjálpa til við mótun og myndun þessa starfs ásamt því að sýna fram á mikilvægi þess að hafa hreyfingu sem hluta af heildrænni nálgun að meðferð einstaklinga með geðklofa og þeirra bata