Útskipti á vökvatjakk og steðja í sjálfvirkum strípara

Verkefnið fjallar um útskipti á vökvatjakk og steðja í sjálfvirkum strípara sem er framkvæmt á þriggja ára fresti í skautsmiðju Alcoa Fjarðaáls. Samkvæmt framleiðanda tjakksins, Rexroth, getur tjakkurinn verið í fullri vinnslu í þrjú og hálft ár áður en framleiðandi hættir að ábyrgjast uppgerð hans. Markmið verkefnisins er að sýna hvernig fyrirbyggjandi viðhald virkar og af hverju það er notað. Í framkvæmd þessa verkefnis var skipulagið skráð niður ítarlega og reynt að finna leiðir til að bæta það. Framkvæmd verksins tók styttri tíma en áætlað var og möguleiki er á að stytta tímann enn meira með þeim tillögum sem lagðar eru fram í verkefninu