Upplifun fatlaðs fólks á aðgengi á Íslandi

Undanfarin ár hafa raddir fatlaðs fólks verið meira áberandi í fjölmiðlum og margir sérstaklega vakið athygli á slæmu aðgengi hér á landi. Vakti það áhuga höfunda þar sem báðir hafa unnið með fötluðum einstaklingum og kynnst því hversu ábótavant aðgengi er á Íslandi. Nám í þroskaþjálfafræði miðar af því að miðla þekkingu á réttindum fatlaðs fólks og þá sérstaklega á samning Sameinuðu þjóðanna um réttindi fatlaðs fólks. Þessi áherslu vakti áhuga á að skoða aðgengi betur í réttindamiðuðu ljósi var sett fram rannsóknarspurningin: „Hvernig er upplifun hjólastólanotenda á Íslandi að aðgengi?“ Markmið með spurningunni var að heyra raddir fatlaðs fólks og var því gerð lítil eigindleg rannsókn þar sem tveir hjólastólanotendur veittu innsýn í sína upplifun á aðgengi. Gert var grein fyrir íslenskum sem og erlendum rannsóknum sem fjölluðu um aðgengi. Út frá eigindlegu rannsókninni styrkir þær gagnrýnisraddir sem fram hafa komið hér á landi um lélegt aðgengi fyrir fatlað fólk. Fram kom hjá viðmælendur að þeir finna enn fyrir því í mörgum tilfellum að almennt umhverfi er ekki aðgengilegir. Þrátt fyrir að samningur Sameinuðu þjóðanna um réttindi fatlaðs fólks hafi verið fullgiltur af Íslandi árið 2016 er margt sem enn hefur ekki verið bætt úr. Mikilvægt er því að hlusta á raddir fatlaðs fólks þegar kemur að þeirra málefnum