Um eignarnámsbætur fyrir vatnsréttindi

Í ljósi þeirrar sérstöðu sem að vatnsréttindi njóta í eignaréttarlegum skilningi, hefur jafnan verið mikið álitamál hvernig skuli meta þau réttindi til fjár þegar vatnsréttindi eru tekin eignarnámi. Í þessari ritgerð er ætlunin að varpa ljósi á þau sjónarmið sem alla jafnan eru lögð til grundvallar þegar tekin er ákvörðun um fjárhæð eignarnámsbóta fyrir vatnsréttindi. Í öðrum kafla ritgerðarinnar verður stuttlega gerð grein fyrir helstu atriðum eignaréttar sem og þeirri vernd sem eignaréttur nýtur samkvæmt stjórnarskránni og mannréttindasáttmála Evrópu. Í þriðja kafla verður fjallað um þá sérstöðu sem að vatnsréttindi njóta í eignaréttarlegum skilningi. Í fjórða kafla ritgerðarinnar verður vikið að lagagrundvelli eignarnáms, skilyrðum 72. gr. stjórnarskrárinnar og mælikvörðum sem beitt er við ákvörðun fjárhæðar eignarnámsbóta. Í fimmta kafla ritgerðarinnar verður síðan dómaframkvæmd könnuð, bæði íslensk og norsk, og mátuð við þá mælikvarða sem fram koma í fjórða kafla ritgerðarinnar. Að lokum verða helstu niðurstöður dregnar saman