Áhrif Covid-19 á íslenskan hlutabréfa- og fasteignamarkað: Afhverju hækkar eignaverð í samdrætti?

Þegar rætt er um fjárfestingar þá er eitt af því fyrsta sem kemur í hugann á fólki hlutabréf og fasteignir. Meginmunurinn á fjárfestingu í fasteignum og í hlutabréfum er að í mörgum tilfellum er fasteign fyrst og fremst keypt til búsetu og er því réttara að flokka slíka fjárfestingu sem neyslu á varanlegum neyslumunum, sem geta skilað söluhagnaði við sölu, ólíkt hlutabréfum sem einvörðungu eru keypt með hagnaðarvon í huga. Það þekkist þó að fasteignir séu keyptar til þess að hagnast á hækkun fasteignaverð annarsvegar, og leigutekjum hins vegar. Í þeim tilvikum er um svipaða fjárfestingu að ræða og við kaup á hlutabréfum þar sem fjárfestar leitast eftir því að hagnast á arðgreiðslum og hækkun á verði hlutabréfanna. Enginn kaupir hlutabréf til að búa í þeim, hefur það áhrif á verðmyndun þessara tveggja eignaforma? Í þessari ritgerð verður meðal annars skoðað í hvaða mæli sömu lögmál ráða verðþróun á hlutabréfum annars vegar og íbúðarhúsnæðis hins vegar. Tilgangur þessarar ritgerðar er sá að útskýra ofangreinda markaði nánar, rekja sögu ásamt verðmyndun þeirra og gera grein fyrir þeim togkröftum sem að hafa áhrif á verðmyndun þeirra og afhverju það varð svona mikil uppgangur á þessum mörkuðum þegar að samdráttur átti sér stað í hagkerfinu sem er andstæða við ýmsar hagfræðilegar kenningar um eignaverð í hagkerfinu