Jólabarnið komið til mömmu. Viðhorf Íslendinga til flóttafólks

Markmið þessarar ritgerðar er að kanna hvort fjölskyldugerð flóttafólks sem sækir eftir alþjóðlegri vernd hér á landi hafi áhrif á viðhorf Íslendinga gagnvart þeim. Fræðilegur kafli ritgerðarinnar fer yfir helstu einkenni þjóðernishyggju, heimsborgarahyggju, eðlishyggju og mótunarhyggju. Farið er yfir helstu skilgreingar þegar kemur að flóttafólki sem sækir um hæli í öðru landi og til samanburðar eru tekin fyrir dæmi um fjögur mál flóttafólks sem fengu töluverða fjölmiðlaumfjöllum hér á landi og farið yfir sögu þeirra og komu hingað til landsins. Gerð er innihaldsgreining á ummælakerfum fréttamiðlanna Fréttablaðið, mbl.is og vísir.is um öll viðfangsefnin og gerður samanburður á hvað einkennir þær athugasemdir sem snúa að viðfangsefninu. Kenningarnar sem notast var við í fræðilega kaflanum er svo notaðar til að greina hvert undirliggjandi þema athugasemdanna er og þannig reynt að komast að því hvað liggur að baki viðhorfs fólks gagnvart flóttafólki og hvort hægt sé að gera greinarmun á viðhorfi eftir því hvert fjölskylduform flóttafólks er