Preventive methods and programs against bullying: Their success in reducing bullying in elementary schools

Einelti er flókið samspil hegðunar sem á sér stað í grunnskólum allstaðar og getur haft skaðlegar afleiðingar í för með sér. Birtingarmyndir eineltis geta verið ýmsar og margar áskoranir eru tengdar því að mæla einelti. Helsta viðfangsefni þessarar ritgerðar var að fá yfirlit yfir helstu fyrirbyggjandi aðferðir og áætlanir gegn einelti. Markmið ritgerðarinnar var að leita svara við eftirfarandi rannsóknarspurningu: „Eru fyrirbyggjandi aðferðir og áætlanir almennt árangursríkar til að draga úr einelti í grunnskólum?”. Gerð var samantekt á helstu aðferðum og heildarskólaáætlunum sem hafa verið rannsakaðar síðustu ár. Aðferðafræði og árangur þeirra var skoðaður og borinn saman. Þær aðferðir sem eru sameiginlegar innan heildarskólastefnanna eru m.a. námsefni á borð við kvikmyndir, myndbönd og hlutverkaleiki, bætt eftirlit við frjálsar aðstæður og þjálfun nemenda og starfsfólks í ýmsum þáttum. Sú aðferð sem virðist nauðsynleg til að fyrirbyggja einelti er þjálfun í félagsfærni, samkennd og tilfinningastjórnun. Kyn virðist hafa áhrif á það hvernig aðferðir virka en sumar aðferðir lækka tíðni eineltis meðal drengja fremur en stúlkna og öfugt. Aldursáhrif koma einnig fram þar sem sumar aðferðir virðast hafa meiri áhrif á yngri nemendur fremur en eldri. Niðurstöður samantektarinnar gefa til kynna að þær aðferðir og áætlanir sem hafa verið rannsakaðar eru árangursríkar við að draga úr einelti. Þar að auki kemur skýrt fram að öflug úrræði eru til sem fyrirbyggja einelti en þau eru því miður ekki alltaf notuð. Skólayfirvöld, kennarar, nemendur og foreldrar þyrftu að þekkja þessar aðferðir því það þarf þverfaglega nálgun til að fyrirbyggja einelti á árangursríkan hátt. Þekking á þessu viðfangsefni er mikilvæg til þess að stuðla að velferð og vellíðan barna í skólaumhverfi sínu