Bíóímynd: Hver er staða íslenskra kvikmyndahúsa á höfuðborgarsvæðinu í huga gesta?

Þessi ritgerð fjallar um rannsókn á ímynd og vitund íslenskra kvikmyndahúsa á höfuðborgarsvæðinu en þau eru sjö talsins: Sambíóin Álfabakka, Sambíóin Kringlunni, Sambíóin Egilshöll, Smárabíó, Laugarásbíó, Háskólabíó og Bíó Paradís. Tvær rannsóknarspurningar voru lagðar fyrir og eru þær eftirfarandi: 1.Hvaða kvikmyndahús á höfuðborgarsvæðinu hefur mestu vörumerkjavitund á meðal neytenda á Íslandi? 2.Hver er staða kvikmyndahúsa á höfuðborgarsvæðinu sem vörumerki í huga neytenda? Notast var við megindlega rannsóknaraðferð við gerð þessarar rannsóknar, spurningalisti var útbúinn og lagður fram fyrir hentugleikaúrtak á samfélagsmiðlum rannsakanda. Niðurstöður rannsóknarinnar sýndu fram á það að Sambíóin hafa mestu vörumerkjavitund á meðal kvikmyndahúsa á höfuðborgarsvæðinu en flestir nefndu þau þegar spurt var um hvaða kvikmyndahús kæmi fyrst upp í huga neytenda þegar þeir hugsuðu um kvikmyndahús. Staða eða ímynd kvikmyndahúsanna var svo skoðuð með því að skoða hversu sterkt eða veikt þátttakendur tengdu þau við hina ýmsu ímyndunarþætti. Smárabíó var það kvikmyndahús sem að kom hvað best út úr því en þátttakendur tengdu alla ímyndunarþættina annaðhvort mjög sterkt eða sterkt við þá