Samfélagsmiðlar og geðheilsa: Samanburður á aðstæðum og rannsóknarniðurstöðum frá Íslandi, Bretlandi og Bandaríkjunum

Samfélagsmiðlanotkun hefur aukist mikið síðustu ár og áratugi. Hið sama má segja um ýmis vandamál tengd geðheilsu, s.s. kvíða og þunglyndi. Er það tilviljun að báðir þættir hafa aukist eða eru tengsl þar á milli? Rannsóknir frá Íslandi, Bretlandi og Bandaríkjunum eru skoðaðar til þess að komast að því. Sérstaklega eru tekin fyrir áhrif og samband samfélagsmiðla við kvíða og þunglyndi, svefn, netfíkn, neteinelti og líkamsímynd og átraskanir. Jákvæðir þættir eru einnig ígrundaðir þar sem áhrif samfélagsmiðla á geðheilsu eru ekki alslæm. Niðurstöður leiddu í ljós að það er sannarlega tenging á milli samfélagsmiðla og allra þessara þátta sem hafa áhrif á geðheilsu í heild sinni. Áhugavert var að sjá að áhrifin voru yfirleitt meiri hjá stúlkum en þær nota samfélagsmiðla almennt meira en aðrir