Fjártækni og áhrif kórónuveirufaraldursins

Covid-19 heimsfaraldurinn hefur haft veruleg áhrif á kauphegðun almennings sem hefur gert það að verkum að mun hraðarari þróun í fjártækni hefur átt sér stað hjá fjártæknifyrirtækjum. Fjártæknifyrirtæki keppast við að koma fram með nýjar lausnir eða betrumbæta núverandi sem notendur nýta sér til að haga fjármálum sínum með einfaldari og hraðvirkari og hagkvæmari en áður. Eins hefur fjártæknifyrirtækjum fjölgað mikið undanfarin ár bæði hér á landi sem og utan landsteina. Markmið þessarar rannsóknar er að komast að því hvaða áhrif Covid-19 heimsfaraldurinn, sem staðið hefur yfir síðan í ársbyrjun 2020, hefur haft á fjártæknina. Til þess að dýpka skilning rannsakanda á viðfangsefninu voru sjö stór fjártæknifyrirtæki skoðuð og ársskýrslur þeirra milli ára bornar saman til að greina mun á stöðu fyrirtækjanna fyrir og eftir Covid-19. Einnig var framkvæmd spurningakönnun með þeim hætti að spurningar voru sendar á einstaklinga og fulltrúa fyrirtækja þar sem þátttakendur voru spurðir út í fjártækni og notkun þeirra á henni fyrir og eftir Covid-19 faraldurinn. Niðurstöður rannsókna benda til þess að áhrif Covid-19 á fjártækni séu svipað miklar og rannsakandi átti von á í fyrstu. Ljóst er að mikil tækifæri eru til staðar fyrir bæði fjártæknifyrirtæki og banka til að nýta sér þessar hröðu breytingar sem hafa orðið á hegðun neytenda og notkun þeirra á fjártækni