Breyttur veruleiki unglinga á tímum COVID-19: Áhrif COVID-19 á velferð unglinga

Heimsfaraldurinn COVID-19 sem braust út árið 2020 hefur óneitanlega haft mikil áhrif á daglegt líf fólks og samfélög út um nær allan heim. Vegna hraðrar útbreiðslu COVID-19 tóku stjórnvöld flestra landa til óþekktra og umfangsmikla aðgerða og ráðstafana til að sporna gegn frekari útbreiðslu veirunnar. Í ljósi þess stóð heimsbyggðin öll frammi fyrir óvissu af áður óþekktri stærðargráðu þar sem ótti og ringulreið var í fyrirrúmi. Í þessari ritgerð er fjallað um áhrif heimsfaraldursins COVID-19 á velferð unglinga þar sem meginmarkmiðið er að varpa ljósi á stöðu unglinga í heimsfaraldrinum. Í ritgerðinni var því lagt áherslu á fjölskyldulíf, skólastarf og félagslíf unglingsins í heimsfaraldrinum sem og andlega líðan þeirra. Niðurstöðurnar leiddu í ljós að að áhrif heimsfaraldursins COVID-19 á unglinga voru umfangsmikil. Ráðstafanir um félagslega fjarlægð í faraldrinum hafa haft neikvæðari áhrif á unglinga í samanburði við aðra hópa fólks, þar sem unglingar hafa ríkari þörf fyrir félagslegum tengslum og samskiptum. Fjölskyldulíf marga unglinga tók miklum breytingum sem hefur verið streituvaldandi fyrir marga unglinga. Skólastarf unglinga tók við miklum breytingum í faraldrinum vegna skólalokana sem hefur valdið áhugaleysi og truflun á námi margra unglinga sem og aukið hættu á brottfalli nemenda úr skóla. Þá sýndu niðurstöður að grunn- og framhaldsskólanemendur hafa upplifað sérstaklega mikinn kvíða í faraldrinum. Unglingar hafa verið félagslega einangraðir frá vinum sínum og jafningjum í faraldrinum sem hefur haft neikvæð sálræn áhrif á marga unglinga. Niðurstöður sýndu að andleg líðan margra unglinga hefur farið hrakandi í faraldrinum en þá hafa þunglyndis- og kvíðaeinkenni hjá unglingum færst í aukanna