State aid for airlines in pandemic. Comparison of state aid for the four largest airlines in the Nordic countries

Tilgangur ritgerðarinnar er að svara rannsóknarspurningunni „Hvernig ríkisaðstoð var í boði fyrir Icelandair á tímabili heimsfaraldurs Covid-19 í samanburði við erlend flugfélög?“ Ákveðnar kennitölur voru skoðaðar hjá Icelandair sem gefa betri mynd af því hver fjárhagsleg staða fyrirtækisins hefur verið síðastliðin ár og hvernig hún hefur breyst í kjölfar heimsfaraldurs. Ritgerðin byggist þannig upp að fyrst verður greint frá því hvað samdráttur í efnahagi er og hverjar helstu orsakir hans eru. Í kjölfarið verður kenningin um Real Business Cycle skoðuð og hvernig hún skilgreinir efnahagsáföll. Einnig er farið yfir það hvað efnahagsáföll eru og mismunandi tegundir af slíkum áföllum. Þá verður farið yfir fjármögnun og skuldir fyrirtækja ásamt fjárhagsvandræðum og að lokum verður í fræðilega kaflanum fjallað um þær kennitölur sem eru skoðaðar í ritgerðinni, en út frá fræðilegu sjónarhorni. Gögn sem eru notuð í rannsókninni eru af tvennum toga. Annars vegar er stuðst við upplýsingar frá félaginu sjálfu, svo sem ársreikninga og fjárfestakynningarefni, og hins vegar er stuðst við fréttaumfjallanir. Helsta verkefni rannsóknarinnar er að bera saman þá ríkisaðstoð sem Icelandair fékk við þá aðstoð sem fyrir fram ákveðin erlend flugfélög fengu. Niðurstaða ritgerðarinnar í stuttu máli er sú að ríkisaðstoð sem flugfélögunum var boðin eru allar mjög svipaðar í uppbyggingu þó svo að fjárhæðirnar séu mismunandi. Meginástæða þess er meðal annars sú að félögin eru af mismunandi stærðargráðu, en í tilfelli eins félagsins eru það yfirvöld tveggja landa sem veita einu því aðstoð. Þá eiga ríkisaðstoðirnar það sameiginlegt að félögin þurfa að uppfylla ákveðin skilyrði sem sett eru til að koma til greina fyrir slíka aðstoð