Planleggingsoppgåve: Nytt ammekufjøs Heimtun Gnr. 156/1 - Vindafjord

Det er i dag underskot på storfekjøtt i Noreg, og det er politisk vilje til å satse på auka produksjon i åra framover. Denne oppgåva går ut på å prosjektera nytt fjøs for ammekyr på garden Heimtun med særleg fokus på dyrevelferd, innandørsmekanisering, bygningskonstruksjon og byggekostnad/ økonomi. Det har blitt gjennomført gardsbesøk og samtalar med folk i næringa, og på bakgrunn av dette har det blitt teikna tre forskjellige planløysingar som har blitt sett opp mot kvarandre i ein tabell og vurdert med poeng utifrå gitte nøkkelpunkt. Fjøset som blei valt er planlagt bygd i tre, uisolert med naturleg ventilasjon. Resultatet gir god dyrevelferd iform av inneklima, godt utforma liggjebås og at alle har plass ved fôrbrettet. Utfôring blir gjort med minilastar, og gjødsla vil vere spaltegolv og kanalomrøring med transport til eksisterande lager. Oppgåva er ein fin plattform for vegen vidare mot nytt fjøs på garden Heimtun. Kostnaden ved det prosjekterte bygget er høg, og det må jobbast meir med løysingar som kan få ned prisen, herunder ei vurdering av optimal storleik på besetninga. Neste steg kan vere å utarbeida ein driftsplan som vil vere med på å gi betre svar når det kjem til lønnsemda ved nybygging. Med utgangspunkt i valt problemstilling tykkjer eg at det har blitt prosjektert eit lettdrive fjøs som ivaretek god dyrevelferd og moglegheiter for å bidra til målet mot auka produksjon av storfekjøtt på norske beiteressursar