Kokken lagar mat : utøving og utvikling av yrkeskunnskap på kjøkenet sett i lys av 2300 år gamle kunnskapsformer

Tema for masteroppgåva er utøving og utvikling av yrkeskunnskap i kokkfaget. Bakgrunnen for arbeidet er resultat frå andre forskingsprosjekt i masterstudiet og innføringa av den nye reforma, kunnskapsløftet, i den vidaregåande skulen. Analyse av litteratur, observasjon og intervju av yrkesutøvarar er metodane som er brukt for å finne svar på problemstillinga: Korleis kan Aristoteles sine gnosis-former brukast til å skildre yrkeskunnskap og utvikling av yrkeskunnskap innanfor kokkfaget? I oppgåva vert yrkeskunnskapen til kokken, skildra gjennom Aristoteles sine gnosis-former: Epistêmê, poíêsis, praxis, khrêsis og páthos. I tillegg er mi eiga erfaring som tidlegare yrkesutøvar i kokkfaget og no i dei seinare åra som yrkesfaglærar og student ved Høgskulen i Akershus, grunnlag for tolking og analyse av både litteratur og resultat frå observasjon og intervju. Masteroppgåva er eit ledd i master studiet i yrkespedagogikk, og har vore eit omfattande arbeide som har strekt seg over to år. Det inneber mellom anna å kunne halde fokus på tema og problemstilling over lang tid i tillegg til både jobb og familieliv. Her vil eg rette ein stor takk til læringsgruppa og rettleiarar, som har vore med på å gi ny inspirasjon når arbeidet med masteroppgåva har vore tungt. Vidare har kunnskapsdelinga i læringsgruppa, gjennom tilbakemeldingar og diskusjonar både på HiAk og over ein betre middag, vore gunstig for mi utvikling av kunnskap. Tema for oppgåva er yrkeskunnskap i kjøkenet, og eg rettar ein stor takk til mine informantar for at dei så velvillige har stilt opp både til observasjon og intervju. Vidar vil eg takke Eric, familie og venner som alltid har vore positive og oppmuntra meg gjennom fire lange år. Til slutt vil eg rette ein spesiell og kjærleg takk til verdens beste gutar, som har vist tolmod med meg gjennom sju lange år som student ved HiAk, og som kanskje først no forstår kva alle desse leksene skulle vere godt for