Textílkennsla í leikskóla : hvers vegna er textílkennsla ekki kennd meira í leikskóla?

Markmið B.Ed. lokaverkefnis var að skoða textílkennslu í leikskólum. Höfundur er starfsmaður á leikskóla og með sveinspróf í kjólasaum. Þaðan kviknaði sú hugmynd að skrifa um textílkennslu í leikskólum og skoða hvort textílkennsla hafi áhrif á sköpunargetu leikskólabarna og hvort hægt sé að ýta undir og virkja sköpun þeirra í gegnum textílkennslu. Einnig vildi höfundur kanna af hverju textílkennsla er ekki viðurkennd faggrein í leikskólum samkvæmt Aðalnámskrá leikskóla. Ekki hefur áður verið rannsakað hvernig textílkennslu er háttað í leikskólum. Textílkennsla er fastur liður í grunnskólum landsins og samkvæmt Aðalnámskrá grunnskóla er textílkennsla byggð á þekkingaröflun, hugmyndavinnu og sköpun. En í leikskólum er textílkennsla ekki mikilvægur þáttur í leikskólastarfinu og kemur ekkert fram í Aðalnámskrá leikskóla að textílkennsla eigi að vera hluti af leikskólanámi. Þar kemur aftur á móti fram að sköpun sé mikilvægur þáttur í námi og þroska barna. Til þess að fá nánari niðurstöður um textílkennslu í leikskólum sendi höfundur út fyrirspurn til starfsmanna leikskóla (leikskólakennara og ófaglærða starfsmanna) og bað þá sem vinna með textíltengd verkefni með leikskólabörnum að hafa samband. Fimm leikskólakennarar frá mismunandi leikskólum höfðu samband og svöruðu spurningum og var rannsóknin eigindleg. Niðurstöður sýna að starfsmenn leikskóla, sem eru að vinna með textíltengd verkefni með leikskólabörnum, horfa á textíl sem sköpun og nýta verkefnin til þess að ýta undir sköpunargetu barnanna. Í lok ritgerðar er farið yfir spurningar og svör þátttakenda og rýnt í niðurstöður