RASA SUMELANGE PARAGA UTAMA SAJRONE NOVEL NGENTENI REMBULAN NDHADHARI ANGGITANE YES ISMIE SURYAATMAJA (TINTINGAN PSIKOANALISIS SIGMUND FREUD)

Abstrak Masalah kapribaden iku mesthi dinduweni saben manungsa. Masalah kapribadene saben manungsa iku bisa uga rasa sumelang kang disandhang. Novel kanthi irah-irahan Ngenteni Rembulan Ndhadhari anggitane Yes Ismie Suryaatmaja nyeritakake lelakone paraga utama Suli kang nduweni masalah kapribaden kang ana ing kajiwane yaiku rasa sumelang. Rasa sumelang kang disandhang paraga Suli iku tuwuh jalaran id, ego, lan superego ora salaras. Paraga utama uga nduweni cara kanggo ngadhepi rasa sumelange kanthi vcara mekanisme pertahanan ego. Adhedhasar kahanan kasebut, novel Ngenteni Rembulan Ndhadhari anggitane Yes Ismie Suryaatmaja bakal kadhudhah kanthi tintingan psikoanalisis Sigmund Freud. Panliten kang migunakake tintingan psikoanalisis Sigmund Freud iki mujudake panliten kualitatif dheskriptif. Dhata sajrone panliten iki arupa tembung-tembung lan ukara-ukara kang ngandharake ngenani perangan struktur kapribadene, rasa sumelange, lan mekanisme pertahanan ego paraga utama kang dijupuk saka sumber dhata, yaiku novel Ngenteni Rembulan Ndhadhari anggitane Yes Ismie Suryaatmaja. Dhata-dhata kasebut dikumpulake kanthi teknik studi kapustakan, maca, nyathet lan klasifikasi. Analisis dhata kang digunakake sajrone panliten iki yaiku dheskriptif. Teori kang digunkakae kanggo analisis dhata yaiku teori psikoanalisis Sigmund Freud mligine rasa sumelang (kecemasan). Asil panliten iki bisa didudut menawa paraga Suli nduweni perangan struktur kapribadene kang paling onjo yaiku superego. Anane id, ego lan superego ora salaras nuwuhake masalah kajiwan paraga Suli kang arupa rasa sumelange. Rasa sumelang kaperang dadi telu yaiku rasa sumelang neoritis, realistis, lan moralistis. Kang paling onjo yaiku rasa sumelang neoritis. Lan paraga Suli migunakake cara mekanisme pertahanan ego kang kaperang dadi papat yaiku rasionalisasi, represi, proyeksi, lan formasi. Sistem kang paling onjo yaiku sistem represi. Tembung wigati : psikologi, superego, neoritis lan repres