Morfofonemik Basa Jawa ing Wewengkon Kecamatan Kanor Kabupaten Bojonegoro

Analisis tumrap sawijine kajian morfofonemik isih durung akeh ditindakake ing panliten sadurunge. Morfofonemik perlu antuk kawigaten sajrone basa jawa amarga morfofonemik dirasa wigati sajrone tembung supaya dadi ukara kang apik sajrone pacaturane. Mula morfoonemik sajrone basa Jawa ing wewengkon kecamatan Kanor Kabupaten Bojonegoro akeh ragame yen dideleng saka aspek Morfologi Fonologi. Underane panliten iki, yaiku (1) Kepriye proses morfofonemik basa Jawa ing wewengkon Kanor Bojonegoro? (2) Apa wae jinise morfofonemik basa Jawa ing wewengkon Kanor Bojonegoro? Ancas saka panliten iki yaiku ngandharake lan ndheskripsikake kaloro underan panliten ing ndhuwur. Panliten iki nggunakake ancangan dheskriptif kualitatif. Dhata sajrone panliten iki yaiku tembung-tembung sajrone pacaturane masarakat kang ana ing Kanor Bojonegoro. Tata cara pangolahe dhata ing panliten iki, yaiku nglumpukake dhata, njlentrehake dhata, lan nyuguhake asil jlentrehan dhata. Adhedhasar asile andharan lan jlentrehan dhata morfofonemik basa Jawa ing wewengkon kecamatan Kanor kabupaten Bojonegoro kaperang dadi telu, yaiku ater-ater, panambang, wuwuhan gandheng rumaket. Asile panliten sing sepisan yaiku bab proses morfofonemik basa Jawa ing wewengkon kecamatan Kanor kabupaten Bojonegoro. Kang kapindho yaiku jinise morfofonemik basa Jawa ing wewengkon kecamatan Kanor kabupaten Bojonegoro. Tembung Wigati : Morfofonemik, proses lan jinise morfofonemik