MODHALITAS INTENSIONAL ING BASA JAWA DIANA PUTRI SEKARINI

Modhalitas intensional minangka jinise modhalitas ing basa Jawa narik kawigaten merga durung anakang njlentrehake kanthi cetha tur jangkep. Dideleng saka panganggone basa saben dinan utamane ing basa Jawa,anane modhalitas intensional kurang digatekake dening panutur. Panutur kerep nuturake tembung, frasa, klausa,lan ukara sing nuduhake titikane modhalitas intensional sajrone pacaturan saben dinan nanging dheweke orasadhar yen lagi nggunakake titikane modhalitas intensional. Bab kasebut nuduhake yen modhalitas intensional isihkurang nduweni kekarepan kanggo disinaoni dening masyarakat utamane panutur basa Jawa. Saka punjerkasebut, underane panliten iki yaiku rong underan. (1) perangane modhalitas ing basa Jawa. (2) peranganemodhalitas intensional ing basa Jawa. Adhedhasar underan kasebut tujuwane panliten iki yaiku (1) ngandharakelan njlentrehne perangane modhalitas ing basa Jawa. (2) ngandharake lan njlentrehne perangane modhalitasintensional ing basa Jawa.Teori kang digunakake yaiku teori semantik gramatikal kang nganggo ancangan sintagmatik. Kanggongandharake dhata modhalitas intensional ing basa Jawa, dhata kasebut kalebu dhata tulis kanthi cara tekniksemak lan teknik cathet. Dhata dijlentrehake kanthi cara agih yaiku distribusional. Dene panyuguhane dhatakanthi metodhe informal.Modhalitas intensioanl ing basa Jawa bisa dititiki adhedhasar panggolonge, yaiku (1) pepenginan, (2)pangajab, (3) pangajak, lan (4) panjaluk. Adhedhasar pepenginan diperang dadi papat, yaiku ana kepenginan,pengin, gelem utawa arep, lan bakal. Adhedhasar pangajab diperang dadi loro, yaiku ana mbok lan muga-muga.Adhedhasar pangajak diperang dadi loro, yaiku ana ayo lan ajak. Adhedhasar panjaluk diperang dadi papat,yaiku ana jaluk utawa suwun, tulung, coba, lan ayo.Tembung Wigati: Modhalitas, modhalitas intensional, basa Jawa