Pagkakahumaling: Isang pagsasalarawan ayon sa kasarian at antas ng lipunan

Ang pag-aaral na ito ay isang eksploratoryong pag-aaral na gumagamit ng metodong FGD sa pamamagitan ng non-probability sampling at ng purposive sampling sa pangangalap ng kwalitatibong datos na sumasagot sa mga tanong kung ano ang mga kinahuhumalingan ngayon at ang mga katangian nito, saan ito nag-uugat, bakit ito kinahuhumalingan at kung ano ang epekto ng kasarian at antas ng lipunan. Nagkaroon ng limang FGD, apat dito ay mga grupong galing sa mga kabataang lalaki at babae sa mataas at mababang antas ng lipunan at ang panglima ang mga kinabibilangan ng mga dalubhasa sa paksa. Nabatid na ang dahilan ng pagkakahumaling ay dahil sa pagtanggap ng lipunan at pagbuo ng identidad at tiwala sa sarili. Nakita rin na ang mga babae ay madaling mahumaling at ang antas ng lipunan ay nakaapekto ng lubusan sa pagkakahumaling ng mga kabataan