Ang pilosopiya ng pakikisangkot ni Amado V. Hernandez

Ang Pilosopiya ng Pakikisangkot ni Amado V. Hernandez ay isang kritikal at historikal na pagsusuri sa mga pilosopikal na konseptong matatagpuan sa kanyang mga tula, maikling kuwento, nobela, sanaysay, at dulang inakda. Ito ay napasimulan sa pamamagitan ng pagtalakay sa konsepto ng tao sa unang yugto ng kanyang panulat mula taong 1921 hanggang 1938, na nasundan naman ng paglalahad ng konsepto ng kasaysayan na hawan sa kanyang mga panitikang inakda noong dekada ’40. Ang kritikal na pagsusuri ay nawakasan sa pamamagitan ng pagtukoy sa mga pampulitikal at panlipunang konsepto sa huling yugto ng kanyang panulat na mula taong 1956 hanggang 1970. Itinuturing na pinakamahalaga ang naturang yugto sapagkat dito gumitaw ang tunay na diwa ng pakikisangkot ni Ka Amado bung ng kanyang pagkakabilanggo. Isang analitikal na paghahambing naman ang isinagawa upang ipakita ang pagbabago ng diwa mula una, ikalawa at huling yugto ng kanyang panulat